"zzz...zzz..." sabi ng vibra ng cellphone ko. nasa trabaho ako, nakikinig sa lecture tungkol sa computer. binuksan ko ang Inbox ko at nagulat nang makita ko panagalan mo ang nakalagay. Pagkatapos ng lahat ng mga pangyayari, madalang na lang tayo mag text. business text lang, kumbaga ung mga may reli lang. magkahalong saya at kaba ang naramdaman ko. Di mu kasi gawain ang maunang magtext, lalo na sa akin. Nang mabasa ko mensahe mu, alam ko na kung bakit ka nagtext. Alam ko problema mo. Di naman sa chismoso pero sadyang lumalapit lang talaga ang balita sa akin. Nagreply ako at nagsimula na tayong mag text. Damang-dama ko ang iyong kalungkutan. Ewan ko ba pero tagos talaga sa loob ko. Di ko alam kung nararamdaman ko yun dahil naaawa ako o sadyang malakas lang talaga pakiramdam ko pag dating sa mga bagay na may kaugnayan sayo.
Nagsimula ang lahat ng problema mu nung nagtext ung isa nating kaibigan. Maraming bagay ang sinabi niya sa iyo na di maganda. Oh well, as usual, nabasa ko ang mga ito. Ako lang ata ang taong nakakaalam ng buong storya at ng iba't-ibang panig. Dahil sa mga text niya, nagaway kayo ng 'nililigawan' mo, di ka nakapag-aral at walang masagot sa exam, at nagkagulo kayo ng kaibigan mo. Magkahalong lungkot at inis ung laman ng mga text mu. sabi mu sobrang wala nang direksyon buhay mo, sabog ang lahat at di ka makapagisip ng matino. hahay! Dumaan din ako jan. Malamang di mu alam yan kasi yun ung 'katangahan' days ko. gusto mung umuwi at iiwan ang lahat. buti na lang pinigilan kita.
Pagkatapos ng trabaho ko, sumaglit lang ako sa bahay tapos sinundo na kita. Ok lang kahit wala akong tulog, eh ikaw yan eh. Ewan ko nga ba at sobrang lakas mu sa akin. Nung makita kita, bakas sa mga mukha mu ang lungkot. Nagusap tayo at pinayuhan kita. Sana man lang ay na-absorb ng utak mo ang mga pinagsasabi ko. Gusto mong sapakin friend natin. Sabi ko, walang magandang maidudulot yan.
5:30PM. Nasa UP gym na tayo para sa training natin. Napansin ko na tinitingnan mu na siya ng masama. Nung nag water break tayo, Whapak! Sinapak mo siya ng walang pasabi sabay alis. Maga ang mukha niya. Well, di kita masisisi kung bakit mo ginawa sa kanya yun. Naguluhan ang mga tao sa nangyari. Buti na lang magkahiwalay training natin.
Ngayon, di ko alam kung ano na ang mangyayari. Sabi niya papasuspend ka raw niya. Sana magbago isip niya. Alam kong magiging mahirap sayo un, running for honors ka kasi. Alam ko medjo bangag ka ngayon dahil sa mga pangyayari. Sana ay maging Ok na ang lahat. Mahirap ang pinagdadaanan mu ngayon pero alam ko kaya mo yan. Kung kinaya ko nga dati bat di mu kaya di ba? Eh mas malakas ka sa akin eh.
Panibagong araw. Sana wala nang gulo mamaya. Sana maayos na to lahat.
Sana.
No comments:
Post a Comment